Beschreibung

Mer lerned, uf was mer bi de Mahlig und de Mengi muess luege, wie mer en schöne Milchschuum anebringt und mit Geduld bringsch viellicht am Schluss Dis eigene Herzmuschter in Cappuccino. Wiä immer söll au de gmüetlich Teil nöd zkurz cho. Mir startet mit eme chline Apero und mit chli öpis zum Chnabbere, bevor mer eus as Werk mached. Über mich: Zmitzt in Züri han ich vor 7 Jahr ame namhafte Kafifenster jobed, zum näbed em Studium Gäld zverdiene. Scho bald han i de Narre a dem Thema gfrässe und us em Näbejob isch e Liideschaft worde. Jetzt schaff i inere Kafirösterei und büte Start- Ups mini Hilf und Beratig a, damit d'Infrastruktur und de Ablauf, s'Handling mit de Kafimaschine vo Afang a guet glinged. Es freut mich, im Gwächshuus de Kafi-Kurs 1 und 2 azbüte und vo mim Wüsse e chli wiiterszgeh. Lass Dich per Mail ufd Warteliste setze und sobald mer gnueg Amäldige händ, melded mer Eus bi Dir, um en Termin abzmache. Bis bald also! Christoph Meier