S ' TEAM

Mir liäbed Pflanze und ihri Pfleg, schöni Iirichtige, Gastfründschaft, Werke und Baschtle, Zuelose und Diskutiere... Das alles verbindet eus und so isch s’Gwächshuus entstande. Es söll zumene Ort für Begegnige und Kreativität wärde. Mit vill Freud richtet mir euse grosszügig Ruum immer wieder neu mit schöne alte Möbel und Pflanze i und wetted dich ilade, teilzha a üsere Ambiance. Mer chan bi eus eifach durelaufe, und luege, ob mer öpis schöns findt; mir bütet aber au Wörkschops und Träffe zu de verschiednigschte Theme a.

"Zusammenkommen ist ein Beginn, Zusammenbleiben ein Fortschritt, Zusammenarbeiten ein Erfolg.”

– Henry Ford

Eliane%20def_edited.jpg

ELIANE

Pharmaassistäntin, Familiefrau, Spielgruppeleiterin, Lerntherapeutin, Familieberatig, …all das ghört zu miner Gschicht und isch Teil vo mim Läbe. Ich freue mich usserordentlich, im 'Gwächshuus' es neus Kapitel ufzschlah und en lang ghegte Traum z erfülle:
I schöner Atmosphäre alti Lieblingsstück z verchaufe, mitte drin Gmüetlichkeit, Lebendigkeit, Tue und Schaffe azbüte. I de ussergwöhnliche Rümlichkeite vo üsem 'Gwächshuus' händ mir en Platz gfunde, wo mir üsi Idee und Plän umsetze chönd.

"Wir können nur kleine Dinge erschaffen, diese aber mit grossem Herzen!"
– Unbekannt

ANINA

Ursprünglich glernti Pharma-Assistentin, studier ich  und ha en ganz neue Wäg igschlage. Nebed mim Studium unterstütz ich s'Gwächshuus vorallem im Backoffice.

Anina.jpeg